DUDE ATOA SALUTI TAMASHA LA USIKU WA MATUMAINI.

MWIGIZAJI wa Kibongo, Kulwa Kikumba ‘Dude’ amewapongeza waandaaji wa Tamasha la Usiku wa Matumaini 2013 kwani lilikuwa zuri kuliko matamasha mengine yaliyowahi kutokea Bongo.

Kulwa Kikumba ‘Dude’ akifuatilia matukio katika Tamasha la Usiku wa Matumaini 2013.

Akizungumza na paparazi wetu, Jumapili iliyopita katika Uwanja wa Taifa lilipofanyika tamasha hilo, Dude alimpongeza Mkurugenzi wa Kampuni ya Global Publishers, Eric Shigongo kwa ubunifu wake kwani tamasha hilo limefanikiwa kuwaweka watu pamoja na kuwafanya wasahau tofauti zao za kidini, kivyama na kikabila.

“Kwa kweli tamasha hili ni zuri sana kwani limetusogeza karibu na tumesahau tofauti zetu na tupo pamoja, tunazungumza na kufurahia, nawapongeza sana Global Publishers na Shigongo kwa ubunifu kwani tamasha liko tofauti na mengine, Mungu ibariki Tanzania,” alisema Dude.