JK kuwaaga wanajeshi waliouawa.

RAIS Jakaya Kikwete leo anatarajiwa kuongoza mamia ya waombolezaji kuiaga miili ya wanajeshi saba wa Tanzania waliouawa nchini Sudan wiki iliyopita.

Wanajeshi hao walikuwa miongoni mwa kikosi cha Umoja wa Mataifa cha kulinda amani katika Jimbo la Darfur nchini Sudan. Walivamiwa na kushambuliwa kwa risasi na waasi.

Akizungumzajana jijini Dar es Salaam kwa njia ya simu, Kaimu Msemaji wa jeshi hilo, Meja Joseph Masanja, alisema kuwa maandalizi yamekamilika na leo majira ya saa 2:30 asubuhi miili hiyo itaagwa waombolezaji wakiongozwa na Rais Kikwete pamoja na viongozi wengine wa kitaifa.

“Maandalizi yote yamekamilika. Kutakuwa na shughuli ya kuaga miili na baadaye tunasafirisha kwenda makwao kulingana na matakwa ya familia zao,” alisema.

Makamu wa Rais, Dk. Mohamed Gharib Bilal, aliwaongoza wananchi kuipokea miili hiyo iliyowasili juzi kwenye viwanja vya jeshi vya Air Wing, jijini Dar es Salaam.

Wanajeshi waliouawa ni Sajenti Shaibu Othuman, Koplo Oswald Chaula, Koplo Mohamed Juma, Koplo Mohamed Chikilizo, Rodney Ndunguru, Peter Werema na Fortunatus Msofe.

Kwa mujibu wa kumbukumbu za jeshi, hii ni mara ya pili kwa wanajeshi wa Tanzania kuuawa nchini humo. Awali ilikuwa Agosti mwaka jana ambapo wanajeshi watatu waliuawa.

Tanzania ina askari 850 kwenye kikosi cha Umoja wa Mataifa cha kulinda amani katika Jimbo la Darfur, ambao ni sehemu ya askari 1,081 wa kulinda amani katika jimbo hilo.

WEMA AJINAJISI MWEZI MTUKUFU

Stori: Shakoor Jongo na Musa Mateja
WAKATI zilipendwa wake Nasibu Abdul ‘Diamond’ akifuturisha kila kukicha, Beautiful Onyinye, Wema Isaac Sepetu ametupiwa madongo mazito akiambiwa amejinajisi Mwezi Mtukufu wa Ramadhani kufuatia picha zake  zisizopendeza kipindi cha mfungo kutumbukizwa mtandaoni, Ijumaa Wikienda linakupa habari kamili.
 

Julai 19, mwaka huu (Chungu cha Kumi) picha za Wema ambaye ni staa wa filamu za Bongo na Miss Tanzania mwaka 2006/07 ziliingizwwa mtandaoni akiwa katika mapozi mbalimbali yenye ‘kuuchefua’ mwezi kama mtu atakumbana nazo.
 

Picha moja ilimuonesha mrembo huyo akiwa ‘klozidi’ na meneja wake, Martin Kadinda. Wanaonekana wamekumbatiana.
Picha nyingine inamuonesha Wema akipiga mbizi kwenye swimming pool moja ambayo haikufafanuliwa ni wapi nchini Tanzania.
Mbali na picha hizo mbili, nyingine ilimuonesha mlimbwende huyo akiwa katika gauni jepesi kiasi cha kuweza kuonesha ‘nido’ zake.

MMILIKI WA INTER ASEMA BAADA YA MIAKA 3 JOSE MOURINHO ATARUDI INTER MILAN.

Mmiliki wa Inter Massimo Moratti amezungumza na kusema kwamba kocha wa Chelsea Jose Mourinho atarudi kuifundisha klabu yake katika kipindi cha miaka mitatu ijayo. 

Mourinho aliifundisha Inter kwa maiaka miwili baada ya kuondoka Chelsea mwaka 2007, akishinda makombe matatu nchini Italia likiwemo kombe la mabingwa wa ulaya, na akishinda Serie A mara mbili mfululizo.

Na Moratti amethibitisha kwamba kwenye mazungumzo yake ya simu na Mourinho, kocha huyo ameonyesha nia ya kurudi Milan huko mbeleni. 

"Niliongea na Mourinho kumpa hongera kwa kurudi Chelsea," Moratti alisema wakati akiongea na La Stampa.

"Nini ambacho aliniambia Jose? Aliniambia kwamba ndani ya kipindi cha miaka ijayo tutaonana tena wakati na Inter."

Jose Mourinho huko nyuma amekuwa akikaririwa kwamba Inter na Chelsea ndio timu ambazo zipo karibu na moyo wake.

MAJANGA MUME ADUWAA MKEWE KUNASWA KWA UKAHABA

Stori:Richard Bukos
Seleman Yasin (78), mkazi wa Mtaa wa Mtamba, Msasani jijini Dar es Salaam, juzi Alhamisi aliduwaa baada ya kupata taarifa za mkewe, Saida Abdalah ‘Mama Hamisi’ (21), kunaswa kwa tuhuma za ukahaba na kupandishwa kizimbani kwenye Mahakama ya Jiji.
Imedaiwa mahakamani hapo kuwa Mama Hamisi alinaswa kwenye msako wa machangudoa uliofanyika usiku wa kuamkia juzi maeneo ya Buguruni.

Mume akiongea mkewe Mahakamani

Akiwa kizimbani, Mama Hamisi alisomewa shitaka la kujiuza na mwendesha mashitaka wa mahakama hiyo, Richard Magodi mbele ya Hakimu Timoth Lyon.
Baada ya kusomewa shitaka lake, Mama Hamisi na makahaba wengine 13, walikana kufanya biashara hiyo kesi ikaahirishwa hadi Julai 31, mwaka huu.

Mume na mke wakiongea

Muigizaji mkongwe wa tansia ya filamu hapa Bongo, Suzan Lewis ‘Natasha’ siku ya jana amefunga ndoa.

Natasha akiwa  anawekwa gauni vizuri na mpambaji wa saluni ya Partners.

Natasha akijiangalia kama yuko sawa.

…Akitengenezwa vizuri na mtaalamu wa nywele kwenye saluni hiyo.

MFANYA BIASHARA NA MMILIKI WA SHOPPING CENTRE AMWAGIWA TINDI KALI.

Wakuu,
Tetesi zilizonifikia ambazo SI NZURI (kwa tunaopenda kuona wenzetu hata tukiwa na tofauti nao) zinaashiria kama kuna kitu kisicho cha kawaida kimemkuta bwana huyu hii leo.

Vyanzo vyangu vya kuaminika vinanihabarisha kuwa bwana huyu yamemkuta ya kumkuta. Kuna mwenye kuwa na 'ukweli' au 'tetesi' zaidi?Taarifa za awali zinadai kamwagiwa Tindikali maeneo ya Msasani City Mall muda wa saa 2.
Ni jirani na Ubalozi wa Marekani na jirani kabisa na Police Oysterbay.

Jamaa aliyefanya kitendo hicho alitoka mbio, mlinzi akamkimbiza lakini bahati mbaya akateleza na kuanguka na jamaa akawahi pikipiki na kutoweka eneo la tukio.

Said amelazwa Trauma (AMI) Hosp - Masaki Katika picha, ni eneo lilipotokea tukio la kumwagiwa Tindikali

Serikali yazidiwa nguvu kodi ya simu.

Dar es Salaam. 
Kuna kila dalili kwamba Serikali inajipanga kufuta kodi ya Sh1,000 kila mwezi kwa wamiliki wa laini za simu baada ya kuwapo kwa malalamiko kutoka kwa wananchi, taasisi na baadhi ya kampuni za simu nchini.

                                            Waziri wa Fedha, Dk William Mgimwa 

Hiyo inatokana na kauli ya Naibu Waziri wa Mawasiliano, Sayansi na Teknolojia, Januari Makamba aliyoitoa jana akisema kwamba wizara yake ilipinga tangu awali mpango huo kabla ya kupitishwa na kuwa sheria na kwamba anaamini itaondolewa. Kauli hiyo ya Makamba imekuja siku moja baada ya chama tawala, CCM, kukaririwa na vyombo vya habari kikiitaka Serikali kuangalia vyanzo vingine vya mapato badala ya tozo hiyo.

Akizungumza kwa simu jana Makamba alisema: “Sikubaliani na hili suala na kupita kwake ilikuwa ni kuzidiwa nguvu. Lakini najua haliwezi likatekelezeka ni lazima litabadilishwa kwa kuangalia eneo lingine la kutoza kodi.”

DEMU WA PREZZO ACHANWA KWA KUTUMIA PICHA ZA UTUPU KUTAFUTA UMAARUFU!

Na Mwandishi Wetu
MDADA wa Kenya anayetajwa kuwa na uhusiano wa kimapenzi na mwanamuziki Jackson Makini ‘Prezzo’, Huddah Monroe ‘The Boss Lady’ amechanwa kuwa anatumia nguvu kubwa kujipatia umaarufu kwa kupiga picha chafu kisha kuzisambaza mtandaoni.
Huddah Monroe ‘The Boss Lady’ katika pozi la utupu.
Mtandao mmoja wa nchini humo umeeleza kuwa, kuna watu wengi akiwemo Huddah ambao badala ya kufanya mambo yenye faida kwa jamii na hatimaye kuwa maarufu, wao hutumia njia batili ikiwemo hiyo ya kupiga picha za utupu.

 

Huddah katika pozi nyinine tata.
“Miaka ya nyuma ili mtu ajulikane zaidi kwenye jamii lazima afanye kazi nzuri lakini kipindi hiki ni tofauti. Wengi hasa wadada wanajipatia umaarufu kwa kuposti picha zao wakiwa watupu kwenye mitandao ya kijamii. Mfano Huddah na wengine kama vile Kim Kardashian wa Marekani,” uliandika mtandao huo.
Huddah akiwa na Prezzo.

JACK WOLPER: NISIPOANGALIA, PRESHA ITANIUA.

STAA wa filamu Bongo, Jacqueline Wolper ameeleza kuwa, tatizo alilonalo la presha ya kushuka huenda siku moja likawa chanzo cha kifo chake kwani linapomjia, huwa katika hali mbaya sana.

                                                                     Jacqueline Wolper.

Akizungumza na Ijumaa hivi karibuni Wolper alisema, tatizo hilo amekuwa nalo kwa muda mrefu na kufikia hatua ya kwenda kutibiwa nchini Afrika Kusini likapungua lakini sasa limerejea na linamkosesha amani.
“Kwa kweli hili tatizo la presha ya kushuka nililonalo ipo siku litaniondoa duniani, unajua wakati  mwingine hali hiyo ikinijia natokwa na damu nyingi puani, huoni ni tatizo kubwa hili!” alisema Wolper.

SERIKALI YAPIGILIA MSUMARI KUSISITIZA TOZO LA KODI YA SIMU LIPO PALEPALE

Waziri wa Fedha, William Mgimwa, amesisitiza uamuzi wa Serikali kuendelea kutoza Sh 1,000 kwa kila mwezi kwa laini ya simu, licha ya kampuni za simu na wanasiasa kupinga.

Akizungumza na mwandishi juzi, Mgimwa alikumbusha wanaolalamikia kodi hiyo, kwamba suala la ulipaji kodi kwa taasisi au watu binafsi, ni la kisheria kulingana na mapato yao na hali halisi iliyopo.

Pia alieleza kushangazwa na matangazo ya baadhi ya kampuni kuhusu utozwaji kodi wananchi akisema wananchi ndio wanataka barabara, maji na umeme vijijini na kodi hizo zinakwenda kutumika huko. 

Kwa mujibu wa Mgimwa, kodi ya laini za simu na ya intaneti, imetengwa ikatumike kusaidia maji na uwezo wa Serikali kupeleka elimu vijijini jambo ambalo ni la maendeleo.

"Wananchi wenyewe wanalalamikia ukosefu wa huduma na baada ya Serikali kupitia na kufanyia kazi changamoto hizo, imeridhia kodi hizo wanakuja watu wanalalamika,"alisema.

Alisisitiza kuwa ongezeko la kodi kwa huduma za intaneti, ni kwa ajili ya kuboresha mfumo wa elimu ambao unalalamikiwa mara kwa mara.